«Դեռեւս չիմանալով Նիկոլ Փաշինյանի կարծիքի մասին՝ ես եւ Ալեն Սիմոնյանը եւս նման կարծիք ենք հայտնել, դա տրամաբանական է, որովհետեւ ոչ թե անձերի ընտրություն ենք կատարում, այլ քաղաքական»,-լրագրողների հետ զրույցում այսօր անդրադառնալով վարչապետի պաշտոնակատար Նիկոլ Փաշինյանի այն հայտարարությանը, որ ԱԺ ընդդիմադիր փոխնախագահի պաշտոնը պետք է տրվի թվով երկրորդ քաղաքական ուժին, այսինքն՝ ԲՀԿ-ին, ասաց «Իմ քայլը» խմբակցության պատգամավոր Լենա Նազարյանը:
Նրա խոսքով. «Տրամաբանական է, որ երրորդ փոխնախագահի պաշտոնը ստանա ավելի շատ ձայներ ունեցող ուժը»:
Ինչ վերաբերում է հարցին, թե ԱԺ հանձնաժողովների ղեկավարների պաշտոններից քանիսը բաժին կհասնեն ընդդիմությանը, Լենա Նազարյանը նշեց, որ դա կորոշվի «Իմ քայլի» այսօրվա նիստում՝ երեկոյան. «Որոշակի պատկերացումներ ունենք, որոշում՝ դեռ ոչ»:
Լուիզա ՍՈՒՔԻԱՍՅԱՆ
