«Սահմանադրական փոփոխությունների անհրաժեշտության մասին մենք խոսել ենք մշտապես: Ինքներս ենք բախվել սահմանադրական խութերի, որոնք պետք է վերացվեն, փակուղիները՝ եւս»,-լրագրողների հետ զրույցում ասաց ՀՀ փոխվարչապետի պաշտոնակատար Արարատ Միրզոյանը:
Նա անդրադարձավ կարծիքներին, որ ուժային կառույցները շարունակում են մնալ վարչապետի ենթակայության ներքո, եւ պահպանվում է «սուպերվարչապետության» մոդելը:
«Կարծում եմ՝ ԱԱԾ-ն պետք է շարունակի մնալ վարչապետի ենթակայության ներքո, իսկ ոստիկանության մասով դեռ կարելի է քննարկել: Տարբեր հարցեր կան: Խոսում ենք ոչ միայն ենթակայության, այլեւ այդ կառույցների գործունեության թափանցիկության մասին: Գուցե մասնակի լուծումներ տրվեն: Օրինակ՝ ոստիկանությունը կարող է գալ ԱԺ եւ հաշվետվություններ ներկայացնել, չէ՞ որ բողոքում ենք, որ ոստիկանության պաշտոնյաներին չենք տեսնում խորհրդարանում»:
Լուիզա ՍՈՒՔԻԱՍՅԱՆ
