2018 թվականի դեկտեմբերի 20-ից մինչեւ 2019-ի հունվարի 20-ը Սեւանա լճում որսն արգելված է. որեւէ լողամիջոցի մուտքը լիճ նույնպես արգելված է: Սա Սիգ եւ Իշխան ձկնատեսակների ձվադրման շրջանն է: Սակայն տոնական օրերին մայրաքաղաքի շուկաներում ու փողոցներում Սիգն ազատ վաճառվում էր: Առեւտրականներն էլ հպարտությամբ նշում էին. «Սեւանի ընտիր Սիգ է»: Իսկ երբ հետաքրքրվում էինք՝ ձկան որսն արգելված է, ինչպե՞ս է հաջողվել այն որսալ, առեւտրականները քմծիծաղով ասում էին՝ «մարդու մտքին տեղ լինի»: Դե հա, մարդու մտքին տեղ լինի՝ բնությունը կապականի: Թե ինչպե՞ս է արգելված Սիգը հայտնվել ազատ վաճառքում, «Սեւան» ազգային պարկի ղեկավար Վահե Գոլոյանն «Առավոտին» ասում է. «Բարդ գործ է, մեր հնարավորությունների չափով պայքարել ենք: Սոցիալական վիճակն էլ կա. մարդ կա, ասում է՝ բռնեք, տարեք նստացրեք: Ինձ բռնեք՝ ախպերս, տղես է գնալու որսալու, ուրիշ հնար չունեմ: Իմանամ՝ բռնվելու եմ, կանեմ, գոնե կիմանամ՝ տանը ապրելու համար մի բան արել եմ»:
Մանրամասները կարդացեք նաեւ:
«Առավոտ» օրաթերթ
10.01.2019
