Ինչպես տեղեկացրել ենք, Քոչարյանի փաստաբանները դիմել են Սահմանադրական դատարան:
Այսօր էլ Քոչարյանի կալանքը գրավով փոխարինելու հարցն է քննարկվում Երեւանի ընդհանուր իրավասության դատարանում: Լրագրողները Քոչարյանի պաշտպան Հայկ Ալումյանին ասացին՝ Քոչարյանի փաստաբան Արամ Օրբելյանը բարեկամական հարաբերություններ ունի ՍԴ նախագահ Հրայր Թովմասյանի հետ եւ շահերի բախում կա՝ Ալումյանն արձագանքեց. «Բարեկամական նկատի ունեք, ի՞նչ»: Երբ լրագրողները մանրամասնեցին, որ քավոր-սանիկական հարաբերություններ են՝ Ալումյանը պատասխանեց. «Ես դա չգիտեի մինչեւ հիմա: Արամ Օրբելյանը չի ներկայացնելու Սահմանադրական դատարանում Ռոբերտ Քոչարյանի շահերը: Եթե ինչ-որ հարաբերություներ կան, ես չգիտեմ ինչ աստիճանի են այդ հարաբերությունները ու արդյոք կհանգեցնե՞ն նրան, որ Հրայր Թովմասյանն ինքը այդ կազմի մեջ չլինի: Բայց սխալ կլիներ չէ՞ մտածել, որ եթե Հրայր Թովմասյանը ՍԴ նախագահ է, ապա Արամ Օրբելյանը ՍԴ գրվելիք դիմումների մեջ որեւէ հարցով որեւէ մասնակցություն պիտի չունենա»:
Ըստ Ալումյանի, հաշվի առնելով գործի հնչեղությունը, քիչ հավանական է, որ այդ հարաբերությունները որեւէ դեր խաղան:
Հռիփսիմե ՋԵԲԵՋՅԱՆ
