«Նույնիսկ Լեւոն Տեր-Պետրոսյանի իշխանության ժամանակ, չնայած քաղաքական ամբողջ շահագրգռվածությանը, վարչակազմին ծառայող դատական համակարգը չկարողացավ որեւէ փաստ արձանագրել «Դրո» կառույցի եւ Դաշնակցության կապի վերաբերյալ»,-Aravot.am-ի հետ զրույցում ասաց ՀՅԴ-ական գործիչ Բագրատ Եսայանն`անդրադառնալով «Դրո»-ի գործով ցմահ դատապարտյալ Արսեն Արծրունու եղբոր` Սեւակ Արծրունու հայտարարությանը:
«Դրո»-ի գործով ցմահ ազատազրկված Արմենակ Մնջոյանի մահվանից հետո, «Ա1+»-ին տված հարցազրույցում Սեւակ Արծրունին, անդրադառնալով «Դրո» գործին, ասում է. «Արմենակ Մնջոյանը կատարել է, ինչը որ իրեն ասել են: Կատարել է իր պարտականությունները այն կուսակցության համար, որն իրենից պահանջել է կատարել»: Սեւակ Արծրունին մեղավորների շարքում առանձնացնում է «Դաշնակցության ղեկավարությանը, որը տակավին այսօր այստեղ է»: Նա վստահեցնում է, որ Ռոբերտ Քոչարյանն ու ՀՅԴ-ն երկար տարիներ սխալ են գործել, այսօր էլ դրժումով են գնում:
«Ցավում եմ Արմեն Մնջոյանի համար, որին ես անձամբ եմ ծանոթ եղել»,- ասաց Բագրատ Եսայանն, որն այն ժամանակ համակարգում էր «Դրո»-ի գործով փաստաբանական խմբի աշխատանքները` հավելելով. «Սակայն, այս ցավալի իրողությունը չի կարող հիմք հանդիսանալ խոսակցության կամ թեմայի վերաբացման համար, մանավանդ, Սեւակ Արծրունին չի կարող տեղյակ լինել գործի մանրամասներից»:
Նելլի ԳՐԻԳՈՐՅԱՆ
