Եվրոպայի խորհրդի խորհրդարանական վեհաժողովի համազեկուցողներ Սըր Ռոջեր Գեյլը (Միացյալ Թագավորություն) և Ստեֆան Շենախը (Ավստրիա) իրենց խորը մտահոգություններ են հայտնել ադրբեջանցի հակակոռուպցիոն բլոգեր Մեհման Հուսեյնովին նոր մեղադրանքներ առաջադրելու վերաբերյալ, որը դատապարտվել էր երկու տարի ազատազրկման և դեռ գտնվում է բանտում:
Մեհման Հուսեյնովը ձերբակալվել է 2017 թվականի մարտին՝ զրպարտության մեղադրանքով, այն բանից հետո, ինչ նա հրապարակել էր հոդվածների շարք՝ բացահայտելով Ադրբեջանում ենթադրյալ կոռուպցիայի և ադրբեջանցի պաշտոնյաների կատարած ենթադրյալ խոշտանգումների դեպքերը: 2018 թվականին նրան մեղադրանք է առաջադրվել «իշխանության ներկայացուցիչին դիմադրելը՝ նրա առողջությանը և կյանքին համար վտանգավոր բռնություն գործադրմամբ» հոդվածքով, ինչը կարող է հանգեցնել մինչև յոթ տարի ազատազրկման:
«Ցավոք սրտի, կան հիմնավոր հիմքեր այն ենթադրության համար, որ այս նոր մեղադրանքները հստակորեն քաղաքական դրդապատճառներ ունեն և հստակ ուղղված են ճանաչված իրավապաշտպանին լուռ պահելուն, որին մենք քաղբանտարկյալ ենք համարում»,- ասում են համազեկուցողները: «Ավելին, մենք անհանգստացած ենք այն հանգամանքով, որ Մեհման Հուսեյնովը հայտարարել է հացադուլ՝ իբրև իր ծանր վիճակի մասին բողոքարկելու միակ հասանելի միջոց»,- ավելացրել են նրանք:
«Մենք կոչ ենք անում Ադրբեջանի իշխանություններին վերանայել իր գործը՝ որպես բացարձակ առաջնահերթություն», – եզրափակել են նրանք:
