Արդարադատության նախարարության «Նուբարաշեն» քրեակատարողական հիմնարկի կալանավոր, «Դրո» գործով ցմահ ազատազրկման դատապարտված Արմենակ Մնջոյանի դուստրը`Լաուրա Մնջոյանն քիչ առաջ Aravot.am-ի հետ զրույցում տեղեկացրեց, որ ողջ գիշեր գտնվել է Էրեբունի բուժհաստատությունում, ուր հունվարի 3-ից գտնվում է հայրը:
Արմենակ Մնջոյանի վիճակը ծայրահեղ ծանր է գնահատվում, նրա մոտ կանխորոշվել է սուր ինֆարկտ: Լաուրան ասաց, որ հայրը դժվարությամբ է խոսում: Հիվանդանոցում են Արմենակ Մնջոյանի կինը, հարազատները, ընկերները: Նշենք, որ Արմենակ Մնջոյանը տարիներ առաջ տարել էր սրտի միկրո կաթված:
