Երեւանի քաղաքապետի հանձնարարականով առողջապահության վարչությունը հոկտեմբերի 29-ից հունվարի 7-ը ներառյալ հերթապահություն է սահմանել քաղաքապետարանին ենթակա բուժհիմնարկներում:
Երեւանի քաղաքապետարանի առողջապահության վարչության պոլիկլինիկաները համակարգող գլխավոր մասնագետ Անահիտ Չարխիֆալակյանը տեղեկացնում է, որ շուրջօրյա հերթապահություն իրականացվելու է ստացիոնարներում եւ շտապ բուժօգնությունում: «Պոլիկլինիկաներում ժամը 11:00-ից մինչեւ 15:00–ը կհերթապահեն մանկաբույժներ եւ թերապևտներ: Խնդիրներ լինելու դեպքում հորդորում ենք դիմել առաջնային օղակի բժիշկներին»:
Երեւանի քաղաքապետարանի «Շտապբուժօգնության» տնօրեն Թագուհի Ստեփանյանն էլ հորդորում է. «Շտապ օգնությունը ինչպես միշտ արտակարգ ռեժիմով աշխատում է ոչ միայն տոնական օրերին, այլ յուրաքանչյուր օր: Հորդորում եմ քաղաքացիներին մեր ծառայություն դիմել միայն ամենաանհրաժեշտ դեպքերում, երբ շտապ օգնության կարիքն իսկապես կա, որպեսզի մեր կանչերի թիվն ավելի չշատանա եւ կարողանանք ժամանակին հասնել յուրաքանչյուր ահազանգի: Իսկ շտապ օգնության դեպքերն այն դեպքերն են, որոնք սպառնում են մարդու կյանքին: Մյուս դեպքերում խնդրում ենք առաջին հերթին դիմել տեղամասային բժշկին, պոլիկլինիկա, որտեղ հերթապահություններ են կազմակերպված, կամ ընտանեկան բժիշկներին»:
Աշոտ ՀԱԿՈԲՅԱՆ
