Այսօր ՀՀ վարչապետի պաշտոնակատար Նիկոլ Փաշինյանի հանդիպման ժամանակ ՌԴ նախագահ Վլադիմիր Պուտինն ասաց, որ ՀՀ խորհրդարանական ընտրություններից հետո սա Փաշինյանի առաջին այցն է, ուստի շնորհավորեց նրան՝ ընտրություններում տարած համոզիչ հաղթանակի համար: Պուտինը հաջողություն մաղթեց Փաշինյանին եւ բոլոր ծրագրերի իրականացում:
Նա ասաց. «Մեր հարաբերությունները բնութագրելու կարիք չկա, դրանք իսկապես դաշնակցային հարաբերություններ են՝ բավական մեծ բովանդակությամբ: Բավական է ասել, որ մենք շարունակում ենք պահել առաջին տեղը՝ Հայաստանի հետ տնտեսական համագործակցության առումով», Պուտինն ընդգծեց, որ ապրանքաշրջանառությունը երկու երկրների միջեւ գնալով աճում է, անցյալ տարի այն աճել է գրեթե 30%-ով, այս տարվա 10 ամիսների կտրվածքով աճել է մոտ 18 տոկոսով, ավելի ճշգրիտ՝ 17,5 տոկոս ավելացել է այդ ցուցանիշին:
Վլադիմիր Պուտինն այս արդյունքներից գոհ էր. «Դինամիկան լավ է, պետք է այն պահպանել: Մենք պատրաստ ենք դա անել ու ոչ միայն այդ ոլորտում, նաեւ այլ ուղղություններով, այդ թվում՝ անվտանգության ոլորտում համագործակցության առումով, ՀԱՊԿ-ում, ԵԱՏՄ շրջանակներում»:
Ի պատասխան՝ Փաշինյանը նախ կատակեց՝ ասելով, որ արդեն հաշիվը կորցրել է, թե սա թվով որերորդ հանդիպումն է. «Ինձ օդանավակայանում հուշեցին, որ ես Ռուսաստանի Դաշնություն ամենաշատ այցելող օտարերկրյա առաջնորդներից եմ։ Կարծում եմ, սա ընդգծում է մեր առանձնահատուկ ռազմավարական հարաբերությունների համատեքստը ու հույս ունեմ, որ հարաբերությունների այս դինամիկան կշարունակվի ու կզարգանա»:
Հռիփսիմե ՋԵԲԵՋՅԱՆ
Մի կատակ էլ ես անեմ: Ներող եղէք, քիչ մը դառն է 🙂
Շամշադինըմ ասըմ ենք. «Շյաշը հըմանչըմ չի, շշյատէրն ա հըմանչըմ»: