Ադրբեջանի արտգործնախարար Մամեդյարովը հերթական անգամ ասել է, որ Բաքուն պատրաստ է ապահովել Արցախի հայության անվտանգությունը և նրանց բարձր մակարդակի ինքնակառավարման իրավունք տրամադրել:
Պրն Մամեդյարովին խորհուրդ եմ տալիս առաջարկը ներկայացնել նաև Արցախի ժողովրդին՝ բանակցելով նաև Արցախի հետ․ ի վերջո արցախցիներն իրենք են որոշելու իրենց ճակատագիրը։ Ինքնորոշումը նրանց բնական, անօտարելի, որևէ սպառնալիքով կամ զենքի ուժով չճնշվող իրավունքն է, և այդ իրավունքը ուշ թե շուտ պետք է ճանաչել։
Հ․Գ․ Իրականում նման հայտարարություն, իհարկե, առաջին անգամ չէ, որ լսում ենք, և հայ ժողովրդի դիրքորոշումը այս հարցի շուրջ ևս վաղուց հայտնի է․ Արցախի անվտանգությունը չի կարող ապահովվել Ադրբեջանի կազմում որևէ մակարդակի ինքնակառավարման շրջանակներում։
https://www.facebook.com/1st.deputy.primeminister/photos/a.1371791359525991/2178297125542073/?type=3&theater
Առաջին փոխվարչապետի պաշտոնակատար
Արարատ Միրզոյան
