Երեւանի ավագանին այսօր քննարկման էր դրել տեղական վճարների 2019 թվականի դրույքաչափերի նախագիծը, որով նախատեսվում է բարձրացնել երաժշտական եւ արվեստի դպրոցների ծառայությունների վճարները:
Քաղաքապետ Հայկ Մարությանը նշեց, որ այս փոփոխության նպատակը երաժշտական դպրոցներում դասաժամերն ավելացնելն է, որն էլ կբարձրացնի ուսուցման որակը, ուսուցիչների աշխատավարձերը: Նախագիծը հավանության արժանացավ:
Ըստ նախագծի, երաժշտական դպրոցների գործիքային բաժիններում ուսուցման վճարը ավելանալու է 2800 դրամով, կերպարվեստինը՝ 300 դրամով, երգեցողությանը՝ 4300 դրամով: Պարարվեստինը կավելանա 2000 դրամով, թատերարվեստինը՝ 700 դրամով:
Ըստ հարցը զեկուցողի, ծառայությունների ավելացված վճարները սուբսիդավորվելու են քաղաքային բյուջեից, այսինքն՝ քաղաքացիները վճարելու են նախկին դրույքաչափերով նախատեսված վճարները։
Այս պահի դրությամբ այդ դպրոցներ է հաճախում 8124 երեխա:
Լուսինե ԲՈՒԴԱՂՅԱՆ
