Շաբաթը օրը՝ դեկտեմբերի 22-ին, Ստեփանակերտի Շառլ Ազնավուրի անվան մշակույթի կենտրոնի պուրակում նախաձեռնվել էր բողոքի ցույց՝ ի պաշտպանություն Հայաստանի եւ Արցախի նախկին նախագահ Ռոբերտ Քոչարյանի։
«Պետք է հաշվի առնել, որ հնարավոր է նաեւ այսպիսի բաներ լինեն»,- այս մասին ՀԺ-ի հետ զրույցում ասաց ընդդիմադիր «Ազգային վերածնունդ» կուսակցության ղեկավար, պատգամավոր Հայկ Խանումյանը։
– Պարոն Խանումյան, երկու օր առաջ Ստեփանակերտում տեղի ունեցավ բողոքի ակցիա՝ ի պաշտպանություն Ռոբերտ Քոչարյանի։ Ո՞ւմ նախաձեռնությամբ է դա եղել, ովքե՞ր են մասնակցել։
– Տարբեր մարդիկ էին մասնակցում։ Ինչքան հասկացա՝ նախկին «Մետաքս» կոմբինատի աշխատակիցներն էին, որտեղ Քոչարյանը աշխատել էր։
– Ի՞նչ եք կարծում, ո՞րն էր նպատակը Արցախում նման ցույց կազմակերպելու։
– Կարծում եմ՝ նորմալ է, երբ որ մարդը ունի նախկին կոլեկտիվ, հնարավոր է նաեւ այդպիսի միտք առաջանար մարդկանց մոտ։ Մեծ բան չեմ տեսնում, նամանավանդ որ մասնակիցների թիվը այդքան էլ մեծ չէր։
– Այսինքն, ուղղորդվածություն չկա՞ր։
– Դե, բնականաբար, ուղղորդվածություն էլ կար։ Այսինքն, այնտեղ մասնակիցների որոշակի վերլուծությունները ցույց էին տալիս, որ կոնկրետ իշխանական կուսակցությունից մարդիկ կային, որոշակի գործակալական ցանց նույնպես կար։ Բայց դա հիմնական մասսան չէր։ Ուղղորդված չէր, բայց աջակցություն ցույց էին տվել։
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
