Ծանրամարտի աշխարհի առաջնությունում Անդրանիկ Կարապետյանի ձախողումից հետո Հայաստանի ծանրամարտի ֆեդերացիայի գլխավոր քարտուղար եւ ազգային հավաքականի գլխավոր մարզիչ Փաշիկ Ալավերդյանը, ափսոսանք հայտնելով կատարվածի համար, նշել էր, որ գլխավոր նպատակը 2020 թվականի օլիմպիական խաղերն է եւ ասել, որ Անդրանիկը տարեվերջին Քաթարում օլիմպիական վարկանիշային մրցաշարի կմասնակցի եւ հետագա մեկնարկներում էլ կաշխատի անհրաժեշտ միավորների պակասը լրացնել:
Ծանրորդն օրերս հաջող հանդես եկավ «Քաթարի գավաթում»: 81 կգ քաշային կարգում Անդրանիկը պոկեց 161 կգ, հրեց 180 կգ եւ երկամարտի 341 կիլոգրամով զբաղեցրեց երրորդ տեղը:
Աշոտ ՀԱԿՈԲՅԱՆ
