Դեկտեմբերի 23-ին, ժամը 18:55-ին «911» ծառայությանն ահազանգ է ստացվել, որ Երևան քաղաքի Կոմիտասի պողոտայի և Վ. Փափազյան փողոցի խաչմերուկում տեղի է ունեցել ՃՏՊ՝ ավտոմեքենան բախվել է ծաղկի կրպակին, կան տուժածներ. անհրաժեշտ փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ:
Պարզվել է, որ «Toyota Land Cruiser» մակնիշի ավտոմեքենան (վարորդը՝ Գ. Ն., 1983 թ.) վրաերթի է ենթարկել քաղաքացի Շ. Փ.-ին (ծնվ. 1966թ.) և բախվել ծաղկի կրպակին, վնասվել է կրպակի ապակյա պատը:
Փրկարարները հոսանքազրկել են ավտոմեքենան, Շ. Փ.-ին և Գ. Ն.-ին ցուցաբերել առաջին բուժօգնություն: Շ. Փ.-ն հոսպիտալացվել է «Հերացի» թիվ 1 համալսարանային հիվանդանոցային համալիր:
ՀՀ ԱԻՆ
