Այսօր Ստեփանակերտի Շառլ Ազնավուրի անվան մշակույթի կենտրոնի պուրակում նախաձեռնվել է բողոքի ցույց` ի պաշտպանություն Հայաստանի և Արցախի նախկին նախագահ Ռոբերտ Քոչարյանի:
Նախաձեռնության հեղինակները հանդես են եկել ելույթներով` դատապարտելով Ռոբերտ Քոչարյանի նկատմամբ կիրառված կալանքի որոշումը: Հավաքի կազմակերպիչները համառոտ ներկայացրել են Ռոբերտ Քոչարյանի անցած ուղին, նրա ունեցած ներդրումը արցախյան ազատամարտում և կոչ արել անհապաղ ազատ արձակել` ելույթների ընթացքում պարբերաբար վանկարկելով` «Ազատություն Ռոբերտ Քոչարյանին»:
Aravot.am-ի հետ զրույցում բողոքի ցույցի նախաձեռնող Գրիգորի Աֆանասյանն ասաց` իրենց նպատակն այն է, որ Ռոբերտ Քոչարյանը լինի ազատության մեջ: Նա նշեց, որ Արցախում բողոքի ցույցի իրականացումը հայաստանյան և արցախյան հասարակությունների միջև որևէ խնդիր կարող առաջացնել: «Ռոբերտ Քոչարյանը պետք է անհապաղ ազատ արձակվի, ու մենք կշարունակենք ենք այնքան` մինչև հասնենք դրան: Եվ եթե մինչև տարեվերջ այս հարցին լուծում չտրվի, ապա մենք ողջ Արցախը ոտքի կկանգնեցնենք»,- ասաց Գ. Աֆանասյանը:
Դավիթ ԱԲԱՂՅԱՆ
Հույս չունենաք։ ՌՔ-ն արյան ու դիակների վրա կառուցած իշխանության միջոցով հետևողականորեն թուլացրել ու թալանել ա թե Հայաստանը, թե Արցախը ու հիմի էլ նման էժանագին միջոցներով փորձում ա պատասխանատվությունից խուսափելու։ Նա պետք ա իր ողորմելի կյանքի վերջին օրերն անցկացնի բանտում։ Ու դա նման մասշտաբների հանցագործի համար, հավատացեք, շատ մեղմ պատիժ ա։