Փոխքաղաքապետ Հայկ Սարգսյանն այսօր Երեւանի քաղաքապետարանում հրավիրված ասուլիսում ներկայացրեց, թե որքանով են թանկացել տեղական տուրքերը եւ ինչու: Նա բացատրեց բենզալցակայանի օրինակով:
Հայկ Սարգսյանը հրապարակեց նաեւ իրենց կատարած ուսումնասիրության արդյունքները՝ նշելով, որ նախկինում կանաչապատման բոլոր մրցույթները հաղթել են վարչական շրջանների կողմից ստեղծված ՓԲԸ-ները. «Ի տարբերություն նախորդ տարվա կանաչապատման բյուջեի՝ այս տարվա կանաչապատման մրցույթները լինելու են բաց, դրանց մասնակցելու է ցանկացած ընկերություն: Մենք այլեւս չենք դրել խնդիր այդ ծրագրերն իրականացնել մեր բաժնետիրական ընկերություններով, որովհետեւ գտնում ենք, որ կարելի է դա իրականացնել ավելի էֆեկտիվ եւ ավելի էժան, եթե դրան մասնակցի ցանկացած այլ ՍՊԸ»:
2019 թվականի բյուջեով կանաչապատման ֆոնդը կրճատվել է 25 տոկոսով:
«Կանաչ տարածքների պահպանման եւ շահագործման որեւէ ծավալ չի փոխվել: Ավելին, եթե նախատեսված բյուջեն իրականացվի այն միջոցառումներով եւ գործիքակազմով, որ մենք ենք տեսնում, ապա այս նույն նվազած բյուջեի պայմաններում ունենալու ենք ավելի մեծ ծավալի աշխատանք»,-ասաց պարոն Սարգսյանը:
Լուսինե ԲՈՒԴԱՂՅԱՆ
