ՀՀ վարչապետի պաշտոնակատար Նիկոլ Փաշինյանը խոստովանում է՝ շաբաթվա ընթացքում 3 լեզու է պարապում՝ անգլերեն, ռուսերեն եւ ֆրանսերեն: Այս մասին նա ասաց այսօր Դիլիջանում «Ներուժ» ծրագրի բացման ժամանակ, երբ ծրագրի մասնակիցներից մեկը հետաքրքրվեց՝ թե հաջորդ սովորելիք լեզուն ո՞րն է:
«Ես ճիշտն ասած, ես շարունակում եմ սովորել այն լեզուները, որոնք գիտեմ: Ամեն օր, շաբաթվա ընթացքում 3 լեզու եմ պարապում՝ անգլերեն, ռուսերեն, ֆրանսերեն: Կարծում եմ՝ առայժմ բավարար է: Եթե ժամանակս ների, գուցե եւս էլի լեզուներ սովորեմ»:
Փաշինյանն ասաց, որ նոր Հայաստանում կրթական համակարգը պետք է մարդկանց քաջալերի, որպեսզի երեք լեզվի տիրապետեն, սա նաեւ Հայաստանի ու քաղաքացիների մրցունակության գրավականը:
Նելլի ԲԱԲԱՅԱՆ
