«Փակ զրույցների բովանդակությունը հանրայնացնելը քաղաքական էթիկայի խախտում է: Միաժամանակ, Լուկաշեկոյի հայտարարությունը միակողմանի է: Նա հրապարակում է միայն այն, ինչ ինքն է ասել: Վստահ եմ, որ առաջիկա հերթական հանդիպման ժամանակ անդրադարձ կլինի այս խնդրին»,-Aravot.am-ի հետ զրույցում անդրադառնալով Բելառուսի նախագահ Ալեքսանդր Լուկաշենկոյի՝ ՀՀ վարչապետի պաշտոնակատար Նիկոլ Փաշինյանի հետ առանձնազրույցի մանրամասները հրապարակելու փաստին, ասաց քաղաքագետ Նարեկ Մինասյանը:
Ինչ վերաբերում է Լուկաշենկոյի այն հայտարարությանը, թե ժամանակին նա ՀՀ նախագահ Սերժ Սարգսյանին առաջարկել է հինգ շրջան հանձնել Ադրբեջանին, եւ մերժում ստացել, Նարեկ Մինասյանը համոզմունք հայտնեց, որ Բելառուսի նախագահն այդ կերպ փորձել է ճնշումներ գործադրել՝ մի քանի խնդիր լուծելով.
«Բելառուսը մտադիր է ցույց տալ, թե փորձել է կառուցողական մոտեցում ունենալ Արցախի հարցում եւ ինչ-ինչ տարբերակներ առաջ քաշել: Այնուամենայնիվ, Բելառուսը չէր կարող նման հայտարարությամբ հաջողության հասնել, անգամ եթե նրան աջակցել է Պուտինը: Այդ առաջարկը ոչ թե փոխզիջում, այլ միակողմանի զիջում էր ենթադրում: Հայկական կողմը, ինչպես հայտնի է, առաջնորդվում է այն սկզբունքով, որ միակողմանի զիջում չի կարող լինել»:
Այլ մանրամասները՝ տեսանյութում
Լուիզա ՍՈՒՔԻԱՍՅԱՆ
