Այսօր ՀՀ սպորտի և երիտասարդության հարցերի նախարարի պաշտոնակատար Գաբրիել Ղազարյանը գավաթներ, հավաստագրեր եւ դրամական պարգեւներ հանձնեց 2018 թվականին հանրապետության մարզերում և Արցախի Հանրապետությունում անցկացված մարզական փառատոնի մրցանակակիր համայնքներին:
Փառատոնին մասնակցած 43 քաղաքային, 5 գյուղական համայնքի և Ստեփանակերտի մրցակցությունում հաղթող ճանաչվել է Արմավիրի մարզի Էջմիածին քաղաքը, 2-րդ տեղը զբաղեցրել է Գեղարքունիքի մարզի Գավառ քաղաքը, իսկ 3-րդ տեղը` Սյունիքի մարզի Գորիս քաղաքը:
Գաբրիել Ղազարյանը գավաթներ, հավաստագրեր և դրամական պարգևներ հանձնեց նաև Հայաստանի Հանրապետության մարզերի, Երևան քաղաքի և Արցախի Հանրապետության հանրակրթական դպրոցների 8-12-րդ դասարանների աշակերտների սպարտակիադայում մրցանակային տեղեր զբաղեցրած մարզերին: 450.000 դրամով պարգևատրվեց առաջին տեղն զբաղեցրած Լոռու մարզը, 2-րդ տեղը գրաված Արցախի Հանրապետությունը արժանացավ 350.000, իսկ 3-րդը ճանաչված Շիրակի մարզը՝ 250.000 դրամ պարգևի:
Ամփոփվեցին նաև Հանրապետական ուսանողական մարզական խաղերը, որոնց հաղթողները նույնպես արժանացան գավաթների, հավաստագրերի և մեդալների: 1-ին տեղ. Հայաստանի ազգային պոլիտեխնիկական համալսարան՝ 400.000 դրամ, 2-րդ տեղ. Երևանի պետական համալսարան՝ 300.000 դրամ և 3-րդ տեղ. Խաչատուր Աբովյանի անվան հայկական պետական մանկավարժական համալսարան՝ 200.000 դրամ:
Հանրապետական ուսանողական մարզական խաղերն անցկացվել են յոթ մարզաձևերից` ֆուտզալ, բասկետբոլ (աղջիկ, տղա), վոլեյբոլ (աղջիկ, տղա), սեղանի թենիս, ուժային եռամարտ, հնգամարտ, բազկամարտ և հրաձգություն:
Աշոտ ՀԱԿՈԲՅԱՆ
