«Խորհրդատու ընկերության ներկայացրած առաջարկների փաթեթը չի համապատասխանում քաղաքի ակնկալիքներին»,- «Առավոտի» հարցին ի պատասխան՝ հայտնեց Երեւանի քաղաքապետի մամուլի քարտուղար Հակոբ Կարապետյանը` նշելով, որ մոտ օրերս անձամբ Հայկ Մարությանը տրանսպորտային բարեփոխումների վերաբերյալ նոր մանրամասներ կհայտնի: Հետաքրքրվել էինք` ինչո՞ւ է քաղաքապետ Հայկ Մարությանը Նիկոլ Փաշինյանի հետ հեռախոսազրույցում ասել, որ մայրաքաղաքի տրանսպորտային նոր ցանցը կբարեփոխվի 2-4 տարում՝ այն դեպքում, երբ ցանցն արդեն նախկին իշխանությունների օրոք էլ, ոլորտի մասնագետների գնահատմամբ, լիարժեք պատրաստ էր ներդրման:
Հայկ Մարությանի մատնանշած ժամկետը հասարակության շրջանում դժգոհությունների մեծ ալիք բարձրացրեց: Ոլորտի փորձագետները կասկածներ հայտնեցին, որ նախկին իշխանությունների մշակած տրանսպորտային նոր ցանցը` պատրաստի լուծումներով փաթեթը, որի համար միջազգային խորհրդատու ընկերությանը վարկային միջոցներով 850 հազար դոլար ենք վճարել, չի ներդրվելու, այսինքն` չեղարկվելու է` ջուրը գցելով հազարավոր դոլարները:
Թե ինչպիսի խնդիրներ են առաջացել ցանցի ներդրման հետ կապված, եւ Երեւանի ներկայիս իշխանությունն ինչ է ակնկալում ցանցի մշակումն իրականացրած բրիտանական WYG ընկերությունից՝ կարդացեք այստեղ:
ԼՈՒՍԻՆԵ ԲՈՒԴԱՂՅԱՆ
«Առավոտ» օրաթերթ
15.12.2018
