«Այս պահին ստացել ենք 39 բուժհաստատություններից ցուցակներ, որոնք ներկայացնում են 844 մասնակցի տվյալներ»,- ստացիոնար բժշկական հաստատություններում քվեարկության կազմակերպման կարգն այսօր կենտրոնական ընտրական հանձնաժողովում ներկայացրեց առողջապահության նախարարության բժշկական օգնության քաղաքականության վարչության արտահիվանդանոցային բժշկական օգնության քաղաքականության բաժնի մասնագետ Հովիկ Բալյանը: Նրա խոսքով, ԱԺ ընտրությունների ժամանակ ստացիոնար բուժում իրականացնող բժշկական հաստատության ղեկավարը ընտրություններից յոթ օր առաջ ներկայացնում է ստացիոնար բժշկական հաստատություններում քվեարկությանը մասնակցել ցանկացող ընտրողների ցուցակը:
Նա ասաց՝ դեռևս տվյալներ չունի, թե որքան քաղաքացի է քվեարկել, բայց վստահեցրեց՝ բուժհաստատություններում ստացիոնար բուժում ստացողները հնարավորություն են ունեցել քվեարկության մասնակցել առավոտյան ժամը ութից մինչև 18:00-ն:
Արփինե ՍԻՄՈՆՅԱՆ
