ՀՀԿ թեկնածու Արմեն Աշոտյանն այսօր 10/33 ընտրատեղամասում քվեարկությանը մասնակցելուց հետո լրագրողների հարցերին պատասխանեց:
Մենք հետաքրքրվեցինք, թե ահազանգեր իրենց շտաբը ստացե՞լ է: Աշոտյանը պատասխանեց. «Այո, շտաբում առավոտյան կան ահազանգեր: Խախտումները կապված են բացման հետ, ոչ բոլորն են ժամանակին բացվել: Որոշ տեղերում է եղել, տեխնիկական է, որեւէ քաղաքական ահազանգ այս պահին չունենք: Տեխնիկական ահազանգեր ունենք, շտաբը զբաղվում է»:
Աշոտյանն ասաց, որ իր մայրը կարկանդակ է թխել եւ սուրճ է դրել, քվեարկելուց հետո գնալու է սուրճ խմելու:
Նա լրագրողների այն հարցերին, որոնց պատասխանը ենթադրում էր քարոզչություն, չպատասխանեց:
Հռիփսիմե ՋԵԲԵՋՅԱՆ
