«Իրավաբանական առումով այս որոշումը բացառիկ էր նրանով, որ աննախադեպ խախտումներով կայացվեց: Ակնհայտ էր, որ այս որոշումը ճնշումների արդյունք է: Ճնշումն այն է, ինչ տեսել ու լսել եք հեռուստացույցով եւ համացանցով»,-լրագրողների հետ զրույցում այսօր ասաց ՀՀ երկրորդ նախագահ Ռոբերտ Քոչարյանի շահերի պաշտպան Հայկ Ալումյանը:
Հիշեցնենք, որ Վերաքննիչ քրեական դատարանի այսօրվա որոշմամբ՝ Ռոբերտ Քոչարյանը կրկին կկալանավորվի:
Մյուս պաշտպան Ռուբեն Սահակյանն էլ հայտնեց, որ դիմելու են Եվրոպական դատարան: Սահակյանը վստահեցրեց նաեւ, որ Ռոբերտ Քոչարյանը երբեք քննությունից չի խուսափել եւ չի խուսափի: «Դատարանի որոշումը, միանշանակ, քաղաքական էր»,-համոզմունք հայտնեց պարոն Սահակյանը:
Լուիզա ՍՈՒՔԻԱՍՅԱՆ
