Լեռնային Ղարաբաղի շուրջ բանակցություններն այս ձևաչափով կշարունակվեն 2019թ. հունվարին: Այս մասին հայտարարել է Ադրբեջանի արտգործնախարար Էլմարդ Մամեդյարովը Հայաստանի արտգործնախարարի պաշտոնակատար Զոհրաբ Մնացականյանի հետ հանդիպումից հետո:
«Բանակցությունները, որոնք շարունակվել են մոտ երեք ժամ, կարևոր և օգտակար էին կողմերի դիրքորոշումներն ավելի լավ հասականալու տեսանկյունից: Կողմերը համաձայնության եկան շարունակել այդ ձևաչափով բանակցությունները մոտ ապագայում, ամենայն հավանականությամբ, հաջորդ ամիս»,- ասել է Մամեդյարովը:
Մնացականյան-Մամեդյարով հանդիպումը տեղի է ունեցել դեկտեմբերի 5-ին Միլանում՝ ԵԱՀԿ նախարարների խորհրդի շրջանակներում:
Պատրաստեց՝ Վիկտորյա ԱՆԴՐԵԱՍՅԱՆԸ
