Լուսաձոր գյուղից տեղեկացանք, որ այս տարվա սեպտեմբերին սատկել են «ՀիմնաՏավուշ» հիմնադրամի Լուսաձոր գյուղում գտնվող անասնապահական ֆերմայի 19 կով: Զանգահարեցինք «ՀիմնաՏավուշ» հիմնադրամի փոխտնօրեն Տիգրան Տոնոյանին, որը չժխտելով կովերի անկումը, ասաց, որ նմուշներ են ուղարկվել Փարիզ, որպեսզի հետազոտությամբ պարզվի կովերի սատկելու պատճառը:
Նրան հարցրինք՝ ճի՞շտ է, որ Լուսաձորի ֆերմայի կովերը թերսնված, հյուծված վիճակում են, նա ասաց՝ ոչ:
Լուսաձոր գյուղում կատակով ասում են, որ «ՀիմնաՏավուշ» հիմնադրամի անունը փոխել են, այն դարձել է «ՀիմնաԵրեւան», նկատի ունենալով, որ հիմնադրամում մայրաքաղաքի բնակիչներն են ղեկավարները:
Նախկինում հայտնել ենք 2016թ. հուլիսին «ՀիմնաՏավուշ» զարգացման հիմնադրամի Լուսաձորի անասնապահական ֆերմայի տարածքում 3,5 տոննա պանիր հորելու եւ այն մասին, որ Սուրեն Գեւորգյանը լինելով Ֆրանսիայի հայկական հիմնադրամի տնօրեն, «ՀիմնաՏավուշի» տնօրենն է, վերջինիս կին Հասմիկ Գեւորգյանը «ԷկոՏավուշ» ՍՊԸ տնօրենն է:
Ոսկան ՍԱՐԳՍՅԱՆ
