«ՀՀ անվտանգությունը շատ բարձր մակարդակում է: Դրա համար կան հիմնավոր պատճառներ»,-«Իմ քայլը» դաշինքի նախընտրական հավաքում այսօր հայտարարեց ՀՀ ազգային անվտանգության խորհրդի քարտուղար Արմեն Գրիգորյանը: Նրա խոսքով, պատճառներից առաջինը մեկը երկրի վարչապետի հանդեպ հանրության բացարձակ վստահությունն է. «Նրա մեկ կոչով մեկ ժամում ողջ Բաղրամյան պողոտան լցվում է քաղաքացիներով: Երկրի պաշտպանության համար էլ ողջ ազգը ոտքի կկանգնի, ու սա շատ կարեւոր է մեր երկրի անվտանգության համար»:
Մյուս պատճառը, ըստ Արմեն Գրիգորյանի, ՊՆ-ի, Ոստիկանության եւ ԱԱԾ-ի հանդեպ հանրության բարձր վստահությունն է. «Սա կարեւոր երաշխիք է, որպեսզի մեր անվտանգությունը լինի բարձր մակարդակի վրա: Սա թույլ է տալիս մեր անվտանգությունն ամեն օր բարելավել»:
Արմեն Գրիգորյանի բնորոշմամբ՝ «Իմ քայլը» դաշինքի նախատեսելիք տնտեսական հեղափոխությունը թույլ է տալու ունենալ ավելի անվտանգ երկիր:
Լուիզա ՍՈՒՔԻԱՍՅԱՆ
