Հովիկ Աբրահամյանի վարչապետությունից սկսած` ամեն հինգշաբթի` կառավարության նիստի օրերին, չհաշված կառավարության շենքը պահպանող ոստիկանները, ոստիկանական մեծ ուժեր` մահակներով ոստիկաններ եւ անգամ ծանր տեխնիկա էին կենտրոնացվում կառավարության շենքի հետնամասում, որոնք կազմ ու պատրաստ սպասում էին հրահանգի: Նրանք հիմնականում տեղակայվում էին Բուզանդի փողոցի մայթին, Գարեգին Նժդեհի արձանի մոտակա տարածքում, եւ անկախ այն բանից՝ այդ օրը կառավարության շենքի առաջ մարդաշատ էր, թե ոչ, ցուցարարներ կային կամ փոքրաթիվ էին, ոստիկանությունը պարտաճանաչ հերթապահում էր` անտեղի վատնելով ռեսուրսները:
Նոր կառավարության օրոք գրեթե ամեն հինգշաբթի կառավարության շենքի դիմաց կրկին մարդաշատ է, հսկող ոստիկաններ նույնպես կան, սակայն հետնամասում հերթապահող ոստիկանական ուժեր չկան: Առավելագույնն այնտեղ մի «պատրուլ» է հերթապահում:
Լուսանկարը` Լուսինե Բուդաղյանի
«Առավոտ» ,
28.11.2018
