ՀՀ երրորդ նախագահ Սերժ Սարգսյանի եղբայրը՝ Ալեքսանդր Սարգսյանը, որի բանկային հաշիվներից մեկի վրա 30 միլիոն դոլար կա, խոստացել է այդ գումարը վերադարձնել պետական բյուջեին: Այս մասին այսօր Սյունիքի մարզում նախընտրական հավաքի ժամանակ հայտարարեց «Իմ քայլը» դաշինքի առաջնորդ, ՀՀ վարչապետի ժամանակավոր պաշտոնակատար Նիկոլ Փաշինյանը:
Նա հիշեցրեց, որ այդ գումարի վրա կալանք է դրված: «Ինձ ասել են, որ վերջերս նա ասել է, որ պատրաստ է 30 միլիոն դոլարն ամբողջությամբ վերադարձել պետական բյուջեին»,-տեղեկացրեց Նիկոլ Փաշինյանը:
Ավելի վաղ Նիկոլ Փաշինյանն Ալեքսանդր Սարգսյանից հրապարակավ պահանջել էր այդ գումարը վերադարձնել պետբյուջե, իսկ Ալեքսանդր Սարգսյանն էլ հայտարարել էր, որ այդ գումարներն ինքն անօրինական ճանապարհով չի ձեռք բերել:
Լուիզա ՍՈՒՔԻԱՍՅԱՆ
