Արդարադատության նախարարի պաշտոնակատար Արտակ Զեյնալյանը չի ընդունում Դավիթ Շահնազարյանի քննադատությունը` համաներման հետ կապված: Հիշեցնենք՝ երեկ ՀՀԿ ցուցակով առաջադրված պատգամավորի թեկնածու Դավիթ Շահնազարյանը, անդրադառնալով «Սասնա ծռերին» համաներմամբ ազատ արձակելուն, ասել էր. «Հանցագործությունները կատարողների համաներման որոշումը պետք է ընդունեն զոհված ոստիկանների հարազատները, այն ոստիկանների, որոնք պետության վրա արձակած կրակոցներն ընդունեցին իրենց վրա: Պատկերացնո՞ւմ եք ինչքան թույլ պետք է լինի պետությունը, որ արդարադատության իրականացումը թողնի մասնավոր մարդկանց վրա: Այդ մարդկանց ազատ արձակելը լրջագույն հարված էր մեր ողջ իրավապահ համակարգի վրա»:
Արտակ Զեյնալյանի խոսքով՝ «Դա միջազգային իրավունքի սկզբունքների համապատասխան է իրականացվել, եւ այո, տուժողները պետք է իրավունք ու հնարավորություն ունենան պաշտպանելու իրենց իրավունքները, եւ եթե կա տուժողի բողոք-դիմում՝ կյանքի իրավունքի խախտման, ապա այդ գործով պետք է մեղադրյալները, կասկածյալները ենթարկվեն պատասխանատվության՝ առանց համաներման իրավունքի: Սա նեղ մասնագիտական է, եւ դաշտային քաղաքական գործիչները կարող է սրանից չհասկանան»:
Հռիփսիմե ՋԵԲԵՋՅԱՆ
Տարիներ շարունակ Առավոտ օրաթերթը համարել եմ Հայաստանի հանրապետության չորրորդ իշխանություն
համարվող թիվ 1 լրատվամիջոցը: Ցավով եմ նշում, սակայն, հիմա այդպես չեմ համարում: Այնպիսի տպավորություն է, իբր լրատվամիջոցը փորձում է բազմակարծություն ապահովել: Իրականում բազմակարծության իմիտացիա է: