ՀՀ արդարադատության նախարարի տեղակալ Վիգեն Քոչարյանի գլխավորած պատվիրակությունը Բրյուսելում նոյեմբերի 27-ին մասնակցել է ԵՄ Արևելյան գործընկերության Օրենքի գերակայության հարթակի հերթական հանդիպմանը: Պատվիրակության կազմում են եղել նաև ՀՀ գլխավոր դատախազի տեղակալ Դավիթ Մելքոնյանը և ՀՀ ԱՆ միջազգային համագործակցության վարչության պետ Տիգրան Գրիգորյանը: Հարթակի շրջանակում քննարկվել են ԱլԳ երկրներում արդարադատության բարեփոխումները և դրանց՝ ԵՄ աջակցության հեռանկարները:
Հանդիպման ընթացքում ՀՀ պատվիրակությունը ներկայացրել է Հայաստանում դատաիրավական բարեփոխումների ծրագրերը, և հատկապես դատախազության ոլորտում առկա հիմնախնդիրներն ու կատարված քայլերը: Մասնավորապես, քննարկվել են պետական մարմինների համակարգում դատախազության տեղի և դերի, դատախազության անկախության և հաշվետվողականության երաշխավորման ու դատախազների նշանակման և առաջխաղացման թափանցիկությանը վերաբերող հարցեր: Հանդիպման ընթացքում անդրադարձ է կատարվել նաև արդարադատության անկախության, որակի և արդյունավետության հետ կապված հիմնահարցերին:
ԵՄ ներկայացուցիչները վերահաստատել են իրենց պատրաստակամությունը աջակցելու ՀՀ-ում դատաիրավական բարեփոխումների ծրագրի մշակմանը և դրա արդյունավետ իրականացմանը:
ՀՀ ԱՆ տեղեկատվության և
հասարակայնության և հետ կապերի վարչություն
