Լոնդոնում շախմատի աշխարհի թագի համար մրցամարտի 12-րդ պարտիան նույնպես ավարտվեց ոչ-ոքի: Սա պատմության մեջ առաջին դեպքն է, որ գործող չեմպիոնն ու հավակնորդը նախատեսված բոլոր դասական պարտիաներում բաժանում են միավորը:
Հիմա կանոնակարգով մրցակիցները պետք է խաղան 25 րոպեանոց չորս պարտիա՝ յուրաքանչյուր քայլին +10 վայրկյան ավելացումով: Հավասարության դեպքում կկազմակերպվի կայծակնային երկու պարտիա՝ 5 րոպե + 3 վայրկյան յուրաքանչյուր քայլին ձեւաչափով: Եթե այստեղ էլ հաղթողը չորոշվի, կնշանակվի հինգ րոպե տեւողությամբ եւս երկու պարտիա: Կրկին հավասար արդյունքի դեպքում գործը կհասնի արմագեդոնին՝ մահվան պարտիային, որտեղ ոչ-ոքին հաղթանակ բերում է սեւ խաղաքարերով հանդես եկողին:
Աշոտ ՀԱԿՈԲՅԱՆ
