Թալինում այսօր ընտրողների հետ հանդիպմանը «Իմ քայլը» դաշինքի պատգամավորի թեկնածու, «Քաղաքացիական պայմանագիր» կուսակցության վարչության նախագահ, «Սասուն» ջոկատի հրամանատար Սասուն Միքայելյանի ասած խոսքը սոցցանցերում քննադատության արժանացավ: Նա ասել էր, որ հեղափոխության հաղթանակն ավելի կարեւոր է, քան Արցախյան պատերազմում ունեցած հաղթանակը:
Ժամեր անց մարզում մեկ այլ նախընտրական ելույթի ժամանակ Սասուն Միքայելյանն ուղղեց իր խոսքը. «Երբ ասացի, որ այս հաղթանակը պակաս չէր, քան արցախյան պատերազմում տարած հաղթանակը, միտքս փոքր ինչ բացեմ: Եթե չլիներ այս հաղթանակը, արցախյան հաղթանակը մենք կարող էինք կորցնել: Դրա համար, ժողովուրդ ջան, վախի մթնոլորտ այլեւս չկա»:
Սասուն Միքայելյանն ընտրողներին կոչ արեց սերունդներին թողնել ազատ եւ անկախ Հայաստան. «Նախորդ բռնապետերը մտածում էին, թե անպարտելի են, բայց «քաջ Նազարների» ժամանակն անցել է»:
Լուիզա ՍՈՒՔԻԱՍՅԱՆ
Հմմմ…
Կայ մի օտարալեզու ասացուածք, որ կարելի է թարգմանել այսպէս՝ «մեյ մը որ ատամնամածուկը տուփէն դուրս սաղը սեղմեցիր, անհնար է ետ մէջը մտցընելը…»… որ փորձես, աւելի մունտառ կ’ընես… : (Նորէն ալ, չես գիտեր… Ասում են թէ Հայաստանում այլեւս կախարդական փայտիկ կայ…)