2018թ ապրիլին 12-ին ՀՀ կառավարության որոշմամբ Սիսիանի հիվանդանոց առողջարանային կենտրոնը պետք է լուծարվի եւ միացվի Զանգեզուրի կայազորի հոսպիտալին:
Այսօր «Հայելի» ակումբում փաստաբան Ներսես Խաչատրյանը ներկայացրեց ներկայումս Սիսիանի բուժկենտրոնում տիրող իրավիճակը՝ նշելով, որ բուժկենտրոնում չկա դեղորայք, դուրս գրման համար գումար են պահանջում, բժիշկներին աշխատանքից հեռացնում են առանց պատճառաբանության, իսկ շտապօգնությունը սուտ կանչեր է ձեւակերպում:
Նրա խոսքով, առողջապահության նախարարին ներկայացվել են խնդիրներինը եւ խնդիրների սկզբնաղբյուրը՝ հիվանդանոցի լուծարումը. «Հիվանդանոցը ֆինանսապես ապահովված չէ Սյունիքի մարզպետարանը բաց է թողել այդ բուժկենտրոնի հարցը»,-ասաց նա:
2018թ-ի մայիսի 22-ին Ներսես Խաչատրյանը նամակով դիմել է վարչապետ Նիկոլ Փաշինյանին: Ըստ նրա, հարուցվել է քրեական գործ: Գործը նախաքննության փուլում է. «Հիմա այնտեղ ստուգումներ են անցկացվում եւ, եթե կառավարությունը որոշում կայացնի չլուծարել հիվանդանոցը, ապա կապահովվի անհրաժեշտ պարագաներով»:
Մինչ այսօր տնօրեն՝ Անուշ Ներսիսյանը, իր պաշտոնին է:
Ալվինա ՎԻԼԱՍՅԱՆ
