«ՄԵՆՔ» դաշինքի պատգամավորի թեկնածու Անուշ Լալայանի խոսքով՝ ԱԺ արտահերթ ընտրություններից առաջ գրեթե բոլոր ուժերը փորձում են ցույց տալ, որ աջակցել են հեղափոխությանը. «Հիմա բոլորն ուզում են ցույց տալ, որ մասնակցել են հեղափոխությանը, բայց իմ կարծիքով ես այն մարդը չեմ, ով պետք է ասի՝ ինչեր է արել հեղափոխության ժամանակ: Ես առաջինն եմ փակել արագաչափը, նախքան Նիկոլ Փաշինյանի քաղաք գալը, ես փակել եմ ճանապարհն ու կոչ արել ժողովրդին գալ Ազատության հրապարակ, ես իմ ընկերների հետ քնել եմ Ազատության հրապարակում, բայց դա մեզ ցույց տալու ինքնանպատակ չի եղել»:
Հարցին՝ ինչու՞ է փակել արագաչափը, Լալայանը պատասխանեց. «Սաշիկը մենաշնորհ էր սարքել արագաչափերի բիզնեսը և տուգանքները չէին հասնում պետբյուջե: Ես հիմա էլ դեմ եմ արագաչափերին ու կարմիր գծերին, բայց այսօր այդ տուգանքները հասնում են պետբյուջե»:
Մարիամ ՀԱԿՈԲՅԱՆ
