Հարցին, թե ինչու է ԵԱՏՄ երկրներից մեկը՝ Բելառուսը, ավելի էժան գազ ստանում Ռուսաստանից, քան Հայաստանը, Էներգետիկ ենթակառուցվածքների և բնական պաշարների նախարարի պաշտոնակատար Գարեգին Բաղրամյանը նշեց, որ Բելառուսն անմիջապես սահմանակից է ՌԴ-ին և իրեն մատակարարվող գազը ավելի էժան է. «Մեր բանակցություններն ընթանում են այդ ուղղությամբ, որ սահմանի բոլոր գները լինեն համադրելի: Այսօր գազի սակագինը ձեւավորվում է 2013թ. վերջի եւ 2014թ-ի սկզբին հաստատված միջպետական համաձայնագրերով»:
Ըստ Բաղրամյանի՝ Հայաստանի գազի սակագնի մասին խոսելիս, պետք է հաշվի առնել տարանցման արժեքը, որը կատարվում է Վրաստանի տարածքով. «Բանակցություններ են տարվում, որպեսզի հայկական կողմին էլ մատակարարվի նույն գնով: Այս պահին գազը սահմանին 150 դոլարով է վաճառվում»:
Նյութն ամբողջությամբ՝ սկզբնաղբյուր կայքում
