Ադրբեջանում գտնվող Թուրքիայի զինված ուժերի գլխավոր շտաբի պետ, բանակի գեներալ Յաշար Գյուլերը հանդիպել է Իլհամ Ալիևի հետ։
Հանդիպման ընթացքում կողմերն անդրադարձել են թուրք-ադրբեջանական հարաբերությունների առանցքային մի շարք հարցերին։ Ընդգծվել է, որ թուրք-ադրբեջանական համագործակցությունը ռազմական ոլորտում բարձր մակարդակի վրա է գտնվում։ Կողմերը կարևորել են Ադրբեջանի ու Թուրքիայի զինված ուժերի միջև հաճախակի կազմակերպվող համատեղ զորավարժությունները։
Գյուլերը, անդրադառնալով արցախյան հակամարտությանը, նշել է, որ այն մեծ կարևորություն ունի ոչ միայն Ադրբեջանի, այլև Թուրքիայի համար։
Թուրքական աղբյուրը տեղեկացնում է, որ Յաշար Գյուլերը Բաքվում մասնակցելու է Թուրքիայի, Ադրբեջանի և Վրաստանի զինված ուժերի գլխավոր շտաբի պետերի եռակողմ հանդիպմանը:
Աղբյուր` ermenihaber.am/Haberler
