Թուրքիան Ռուսաստանի հետ հարաբերություններ է կառուցում՝ անկախ այլ երկրների կողմից որևէ մեկին օգուտ չբերող ճնշումների, հայտարարել է Թուրքիայի առաջնորդ Թայիփ Էրդողանը՝ ելույթ ունենալով «Թուրքական հոսք» գազատարի կառուցման ծովային հատվածի ավարտին նվիրված միջոցառմանը, որը տեղի է ունեցել երկուշաբթի օրը Ստամբուլում:
Միջոցառմանը մասնակցել է նաև Ռուսաստանի Դաշնության նախագահ Վլադիմիր Պուտինը:
«Թուրքիան երբեք Ռուսաստանի հետ հարաբերություններին չի մոտեցել՝ ելնելով այլ երկրների պահանջներից: Իրավիճակները, որոնց դեպքում խախտվում են պետությունների ինքնիշխան իրավունքները, ոչ մեկի օգուտ չեն բերի: Մեզ համար Ռուսաստանը երկարաժամկետ վստահելի ընկեր է և գազի կարևոր մատակարար: Մեր միջև ջերմ և սերտ հարաբերությունները, որոնք հիմնվում են փոխօգնության վրա, կարևոր կշիռ ունեն ապագայի համար»,- ասել է Էրդողանը:
«Թուրքական հոսք» ծրագիրը նախատեսում է յուրաքանչյուրը 15.75 միլիարդ քառակուսի մետր հզորությամբ երկու գծից կազմված գազամուղի կառուցում: Առաջին գիծը նախատեսված է թուրք սպառողների մատակարարման համար, իսկ երկրորդը՝ Հարավային և Հարավ-Արևելյան Եվրոպայի երկրների գազամատակարարման համար:
«Թուրքական հոսքով» գազամատակարարումը նախատեսվում է մինչև 2020թ. հունվարի մեկը:
Պատրաստեց՝ Վիկտորյա ԱՆԴՐԵԱՍՅԱՆԸ
