ՀԴՄ կտրոն չխփելը դառնալու է շատ ծանր հանցանք: Այսօր այս մասին Մարտունի քաղաքում իր ելույթում ասաց ՀՀ վարչապետի պաշտոնակատար Նիկոլ Փաշինյանը: Նա պաշտոնական այցով Գեղարքունիքի մարզում է:
Պատասխանելով մարտունեցիներից մեկի հարցին, Փաշինյանն ասաց. «Առաջիկայում օրենսդրական փոփոխություն ենք իրականացնելու: Օրինակ՝ միկրոբիզնեսին, այն բիզնեսին, որն ունի տարեկան 20-24 մլն շրջանառություն, որոշ գոտիականությամբ, ազատելու ենք հարկերից: Բայց այս պայմաններում, օրինակ ՀԴՄ չխփելը դառնալու է շատ ծանր հանցագործություն: Ոչ թե քրեական հանցանք, այլ պետք է դառնա անհանդուրժելի արարք, որովհետեւ եթե որեւէ մեկը ՀԴՄ չի խփում` նա այդքանով պակաս գումար է վճարում պետական բյուջե, որը պետք է օգտագործվի այն ասֆալտի փոսը ծածկելու համար, թոշակներն ու աշխատավարձերը բարձրացնելու համար»:
Փաշինյանն ասաց, որ կառավարությունն ուզում է ստեղծել պայմաններ, որպեսզի յուրաքանչյուր քաղաքացի աշխատելու եւ հարստանալու հնարավորություն ունենա. «Մենք ուզում ենք օգնել մարդկանց, քաջալերել, որպեսզի հարստանաք ու հարստացնեք պետությունը»:
Նելլի ԲԱԲԱՅԱՆ
