Այսօր «Ելք» խմբակցության պատգամավոր Հրաչյա Հակոբյանը մեր հարցին՝ ՀՀԿ-ից ասում են, որ ձեր ցուցակը «աջաբսանդալ» է, դուք համաձա՞յն եք դրա հետ, թե՞ ուրիշ ճաշի անուն կտաք ձեր ցուցակին՝ պատասխանեց. «Դուք դեռ լո՞ւրջ եք վերաբերում ՀՀԿ-ի ասածներին: Ես զարմանում եմ, որ մինչ այս պահը դուք դեռ շարունակում եք ՀՀԿ-ի ասածներին լուրջ վերաբերվել եւ մեզ հարցեր տալ՝ հղում անելով ՀՀԿ-ին»: Մեր հարցին՝ եթե ոչ ՀՀԿ-ին, ո՞ւմ եք լուրջ վերաբերվում այս մրցապայքարում՝ Հրաչյա Հակոբյանը պատասխանեց. «Լուրջ եմ վերաբերվում այն կարծիքներին, որտեղից արձագանքներ եմ ստանում մեր ցուցակի հետ կապված, որոնք ներկայացնում են հանրության լայն շրջանակներ: ՀՀԿ-ն չի ներկայացնում հանրության լայն շրջանակներ, ՀՀԿ-ն ներկայացնում է նեղ կուսակցական շահեր»:
Մենք նաեւ հարցրեցին՝ Նիկոլ Փաշինյանն ասել էր, որ նախընտրական քարոզարշավի ընթացքում անակնկալներ են սպասվում, Դավիթ Շահնազարյանն ասել էր, որ հագեք քաղաքական զրահաբաճկոնները, անակնկալներ ձեզ են սպասվում՝ Հրաչյա Հակոբյանն արձագանքեց. «Մենք պատրաստ ենք բոլոր անակնկալներին եւ հարկ եղած դեպքում մենք կմատուցենք մեր անակնկալները»:
Մանրամասները՝ տեսանյութում
Հռիփսիմե ՋԵԲԵՋՅԱՆ
