Ինդոնեզիան հույս ունի արագացնել բանակցությունները Եվրասիական տնտեսական միության հետ ազատ առևտրի գոտու վերաբերյալ պայմանագրի կնքման ուղղությամբ: Այդ մասին հայտարարել է այդ երկրի նախագահ Ջոկո Վիդոդոն Ռուսաստանի նախագահ Վլադիմիր Պուտինի հետ հանդիպումից հետո, հաղորդում է ՏԱՍՍ-ը:
«Հույս ունեմ, որ Ռուսաստանը կաջակցի մեզ ԵԱՏՄ-ի հետ ազատ առևտրի գոտու ստեղծման շուրջ բանակցությունների արագացման հարցում»,- ասել է Վիդոդոն:
Երկու երկրների առաջնորդները հանդիպել են չորեքշաբթի Սինգապուրում, որտեղ անցկացվում են Հարավարևելյան Ասիայի պետությունների ասոցիացիայի միջոցառումները:
Պատրաստեց՝ Վիկտորյա ԱՆԴՐԵԱՍՅԱՆԸ
