«Մենք չեն կարող կրավորական կեցվածք ընդունել ու ասել`դե ինչ ուզում է, թող լինի, թող Փաշինյանը գնա տապալվի: Դա ոչ պետական մոտեցում է»,- խորհրդարանում լրագրողների հետ զրույցում ասաց ԱԺ ՀՀԿ-ական փոխխոսնակ Էդուարդ Շարմազանովը` հավելելով, որ գիտակցելով Հայաստանի առջեւ ծանրացած մարտահրավերները՝ ՀՀԿ-ն չի կարող գնալ արտահերթ ընտրությունները բոյկոտելու ճանապարհով եւ կրավորական կեցվածք ընդունել. «Դա ազնիվ չի լինի»:
Էդուարդ Շարմազանովը մնում է իր համոզման` Նիկոլ Փաշինյանի միակ գաղափարական ընդդիմությունը ՀՀԿ-ն է, ուստի, ընտրություններին մասնակցելով, եւ երկրորդ տեղին հավակնելով, ՀՀԿ-ն փորձելու է հետ պահել իշխանությանն ու Հայաստանը`ճակատագրական սխալներից։
«Ձեռքեր լվանալ, մարտահրավերներից փախնել եւ ուրախանալ Փաշինյանի հնարավոր ձախողումներով, դա մերը չէ»,- ասաց նա։
Լրագրողներից մեկը հետաքրքրվեց` ինչո՞ւ Սերժ Սարգսյանը չի մասնակցելու ընտրություններին` հիշեցնելով ՀՀԿ-ականների նախկին հայտարարությունները նրա`անփոխարինելի լինելու մասին: Էդուարդ Շարմազանովը բացատրեց`առաջիկա ընտրություններին ՀՀԿ-ն գնում է ընդդիմադիր բեւեռ ձեւավորելու, ոչ թե իշխանությունը վերանվաճելու համար:
Այլ մանրամասները`տեսանյութում
Նելլի ԳՐԻԳՈՐՅԱՆ
