Ռուսաստանից սպառազինության ձեռքբերման նոր՝ 100 միլիոն դոլարի վարկի պայմանագիրը կնքված է, բայց որոշ պայմանավորվածություններ ավարտված չեն, ուստի այս պահին պարզ չէ, թե մատակարարումները երբ են սկսվելու: Այս մասին այսօր լրագրողների հետ հանդիպմանն ասաց ՀՀ պաշտպանության նախարարի ժամանակավոր պաշտոնակատար Դավիթ Տոնոյանը:
Նա տեղեկացրեց, որ նշյալ վարկով ձեռքբերվելիք սպառազինության մի մասը արդեն իսկ արտադրված զինտեխնիկա է:
Ապա` Դավիթ Տոնոյանը հայտնեց՝ հնարավոր է, որ ՀՀ-ն սպառազինության ձեռքբերման նոր՝ մեկ այլ վարկ վերցնի, եւ պարտադիր չէ՝ Ռուսաստանից: Ըստ նախարարի պաշտոնակատարի՝ վարկը կարելի է վերցնել ոչ ֆինանսական գերատեսչություններից, իսկ թե որ երկրի մասին է խոսքը, նա հրաժարվեց մանրամասնել:
Լուիզա ՍՈՒՔԻԱՍՅԱՆ
