Գորիսի քաղաքապետ Առուշ Առուշանյանն առաջիկա ընտրություններին չի առաջադրվելու, մասնակցելու է որպես քաղաքացի: Լրագրողների հարցին՝ հնարավո՞ր է հրաժարվի ՀՀԿ-ից, նա պատասխանեց. «Հնարավոր է հրաժարվեմ ՀՀԿ-ից: Երբ կհրաժարվեմ, կտեղեկացնեմ, այլ կուսակցության չեմ անդամագրվի»:
Հարցին՝ իսկ ինչո՞ւ հիմա նման բան որոշեց, քաղաքապետը պատասխանեց. «Տենց եմ ուզում։ ՀՀԿ-ի հետ խնդիրներ չկան»։
Լրագրողների հարցին՝ իր դեմ հարուցված քրեական գործում ի՞նչ կարգավիճակ ունի, Առուշ Առուշանյանը հորդորեց դա ճշտել ՀՀ ոստիկանությունից. «Հարցաքննվել եմ, բայց նման բան գոյություն չունի: Չկա նման բան»:
Տաթև ՀԱՐՈՒԹՅՈՒՆՅԱՆ
