Իհարկե, միանգամայն արդարացի են նրանք, ովքեր զայրանում են նոր իշխանությունների կադրային քաղաքականությունից եւ նորանշանակ կադրերի անտեղյակությունից-անգրագիտությունից։ Իրավացի են, որ երիտասարդ ու անփորձ կառավարիչների պատճառով մեր երկրում պրոֆեսիոնալիզմը կատաստրոֆիկ անկում գրանցեց ու էլի կգրանցի։ Եվ միանգամայն հասկանալի է այն մարդկանց ափսոսանքը, ովքեր ասում են՝ հներն ավելի լավ էին աշխատում, ավելի լավատեղյակ էին, ավելի օգտակար իրենց ոլորտներում։
Բայց միաժամանակ չի կարելի չարձանագրել, որ հների ժամանակ իսկապես կոռուպցիա կար, լճացում, խնամի-բարեկամական սկզբունքով հարցեր լուծելու ավանդույթ, հովանավորչություն, հորից որդուն պաշտոնների փոխանցում եւ այլ արատավոր երեւույթներ։ Իհարկե, դեռ վաղ է ուրախանալու համար, եւ չի կարելի արդեն արձանագրել, որ կոռուպցիան վերացել է ու այլեւս գլուխ չի բարձրացնելու, որ միայն արժանիներն են առաջ գնալու, եւ ճահճից մենք դուրս ենք եկել՝ անցյալում թողնելով բազում ոլորտներում արմատացած արատավոր պրակտիկան։
Արմինե ՕՀԱՆՅԱՆ
Հոդվածն ամբողջությամբ կարդացեք «Հրապարակի» այսօրվա համարում:
