Հայաստանցի ծանրորդը հիանալի նվեր մատուցեց նախորդ օրը ծննդյան օրը նշած Հայաստանի ծանրամարտի ֆեդերացիայի գլխավոր քարտուղար եւ հավաքականի գլխավոր մարզիչ Փաշիկ Ալավերդյանին:
Աշգաբադում ընթացող ծանրամարտի աշխարհի առաջնությունում Հայաստանի հավաքականից այսօր պայքարի մեջ մտավ նաեւ 109 կգ քաշային Սիմոն Մարտիրոսյանը եւ աշխարհի չեմպիոնի առաջին տիտղոսը բերեց Հայաստանի հաշվարկին: Նա պոկում վարժությունում հաջորդաբար ֆիքսեց 190, 195 եւ 197 կիլոգրամները, սակայն մրցավարները վերջին մոտեցումը չհաշվեցին, ու հայ մարզիկն արժանացավ փոքր արծաթի:
Սիմոնը նրանց պատասխանեց հրում վարժությունում՝ ապացուցելով, որ ինքն է ուժեղագույնը: Առաջին իսկ մոտեցումով՝ 230 կգ, Սիմոն Մարտիրոսյանը ոչ միայն նվաճվեց այս վարժության փոքր ոսկե մեդալը, այլեւ հռչակվեց աշխարհի չեմպիոն: Սակայն նա դրանով չբավարարվեց: Երկրորդ մոտեցման համար նա պատվիրեց ռեկորդային՝ 240 կիլոգրամ, այն վստահ պահեց գլխավերեւում եւ այս, ինչպես նաեւ երկամարտում՝ 435 կգ, աշխարհի ռեկորդ սահմանեց: Այսքանից հետք երրորդ մոտեցումն ավելորդ էր:
Աշոտ ՀԱԿՈԲՅԱՆ
