Սանկտ Պետերբուրգում նոյեմբերի 9-ից մեկնարկած մեդիա ֆորումի ժամանակ անդրադարձ եղավ բլոգ-ավանդական լրատվամիջոցներ փոխհարաբերություններին: Ռուսական տպագիր մամուլի ավագ սերնդի ներկայացուցիչները իրենց ելույթներում անընդհատ կարծիք էին հայտնում, որ բլոգը լրատվամիջոցից տարբերվում է նրանով, որ լրատվամիջոցը իր գրածի համար պատասխանատվություն է գրում, իսկ բլոգը՝ ոչ, ասում էին, որ բլոգը խափանում է ավանդական լրատվամիջոցների աշխատանքը:
Երիտասարդ լրագրողուհիներից մեկը քննարկման ժամանակ հարց ուղղեց ավագ սերնդի գործընկերներին՝ իրենց կարծիքով կա՞ լրագրություն Ռուսաստանում:
Նաև նշեց, որ երբ հոգեւորականի մասին սկանդալային պատմության վերաբերյալ հրապարակում էր պատրաստում ու խնդիրներ ուներ, իր թիկունքին լրագրողական համայնքը չկանգնեց, դրա համար էլ ինքը լրագրությունից անցում է կատարել բլոգային տարածք:
«Կոմսոմոլսկայա պրավդա» թերթի խմբագիր Վլադիմիր Սունգորկինն ասաց, որ բլոգն իր տեղն ունի, լրատվամիջոցն՝ իր, երկուսն էլ անհրաժեշտ են: Նաեւ իր երիտասարդ աշխատակցին հրահանգեց լուսաբանել լրագրողուհու խնդիրը, եթե այն իրոք կարեւոր է եւ անձնական շահագրգռության հարց չկա: Նաեւ միտք հնչեց. «Բլոգերները փողոցային երաժիշտների նման են, նրանք եւս պետք են, բայց, իհարկե, Մեծ Թատրոնի արտիստներ չեն»:
Գոհար ՀԱԿՈԲՅԱՆ
