ermenihaber.am. Ֆրանսիայում մի խումբ մտավորականներ և հասարակական կազմակերպություններ չեն ցանկանում, որ Թուրքիայի նախագահ Ռեջեփ Թայիփ Էրդողանը մասնակցի Փարիզում նոյեմբերի 10-11-ը տեղի ունենալիք Առաջին համաշխարհային պատերազմի ավարտի 100-ամյա տարելիցի միջոցառումներին։
Իրենց բողոքը արտահայտելու համար Ֆրանսիայում հայտնի մի խումբ հայտնի մարդկանց ստորագրությամբ ֆրանսիական «Le Monde» թերթում հրապարակում է արվել, որտեղ դժգոհություն է արտահայտվել Էրդողանի այցի հետ կապված։
Հրապարակման մեջ հիշեցվել է Թուրքիայի ներսում տիրող լարված մթնոլորտի մասին, ինչպիսի նաև խոսվել է Թուրքիան դիրքորոշման մասին առանցքային մի շարք հարցերում։
Նախ և առաջ հիշատակվել է Թուրքիայի ժխտողական քաղաքականությունը Հայոց ցեղասպանության հարցում։ Քննադատության տակ է առնվել պաշտոնական Անկարայի քաղաքականությունը քրդերի և Կիպրոսի հիմնախնդրի շուրջ։ Նշվել է, որ Թուրքիայում աշխարհով մեկ տարածում է հակասեմիտիստական տրամադրություններ, ինչպես նաև «անկառավարելի» ատելություն է սերմանում Իսրայել պետության նկատմամբ։ Հիշեցվել է, որ վերջին տարիներին Թուրքիայում խախտվում են մարդկանց ազատության իրավունքը և Թուրքիան դարձել է լրագրողների համար աշխարհի ամենամեծ «բանտը»։
«Թուրքիայում կա կալանավորված 55 հազար քաղաքական գործիչ։ 2 տարվա ընթացքում 150 հազար պետծառայող այլախոսության համար հեռացվել է աշխատանքից», ասվում է հրապարակման մեջ։
Հրապարակման տակ իրենց ստորագրություններն են դրել մի շարք ֆրանսիացի և հայ հասարակական գործիչներ, մտավորականներ։ Դրանց շարքում է նաև Ֆրանսիայում Հայոց ցեղասպանության ժխտումը քրեականացնող օրինագծի հեղինակ Վալերի Բոյերը, Ֆրանսիայում հայկական կազմակերպությունները համակարգող խորհրդի համանախագահներ Մուրադ Փափազյանը և Արա Տոնոյանը և այլն։
Տեղեկացվում է նաև, որ Ֆրանսիայում հայկական կազմակերպությունները համակարգող խորհրդը Էրդողանի այցի վերաբերյալ առանձին նամակ է հղել Ֆրանսիայի նախագահ Էմանուեալ Մակրոնին։ Դրանում խորհուրդը իր դժգոհությունն է հայտնել, որ Էրդողանը միջոցառմանը հրավիրված է։ Ասվել է, որ Թուրքիայի նախագահի ներկայությունը չի համապատասխանում «Առաջին համաշխարհային պատերազմի ավարտի 100-ամյա տարելիցին նվիրված միջոցառումների ոգուն»։
«Հուսով ենք, որ նոյեմբերի 11-ի տոնակատարություններին չեն ախտոտվի Թուրքիայի ղեկավարի այցի պատճառով», ասվել է նամակում։
