«Այո, ես համոզված եմ, որ մենք ռեզերվներ ունենք այնպիսի սակագին սահմանելու`առանց ընդհանուր բալանսը խախտելու»,- խորհրդարանում լրագրողների հետ զրույցում ասաց ԱԺ-ում ստեղծված ՀՀ գազի եւ էլեկտրաէներգիայի մատակարարման եւ բաշխման համակարգերի գործունեությունը, գազի եւ էլեկտրաէներգիայի գործող սակագների հիմնավորվածությունը քննելու նպատակով ստեղծված քննիչ հանձնաժողովի նախագահ Միքայել Մելքումյանը`անդրադառնալով գազի եւ էլեկտրաէներգիայի սակագնի նվազեցման հարցին:
Լրագրողների հետ զրույցում Միքայել Մելքումյանն իր տեսլականն առաջարկեց, ըստ որի, կարելի է ունենալ ոչ թե երկու սակագին՝ մինչեւ 10 հազար եւ դրանից ավելի սպառողների համար, այլ ավելի տարբերակված`մինչեւ 1000 խմ, 5000 խմ եւ ավելի սպառողների համար:
Նրա կարծիքով, պետք է համակողմանի ուսումնասիրել, թե բնակչության համար գազի էժանացումն ինչպես կազդի բիզնեսի վրա: Հիշեցրեց օրինակը, երբ Հովիկ Աբրահամյանի կառավարությունը ջերմոցներին արտոնություն տվեց`գազի գինը սահմանելով 100 դրամ, դա արդյունք չտվեց եւ չանդրադարձավ տնտեսության, մասնավորաբար, ջերմոցային տնտեսությունների ակտիվացման վրա:
Այլ մանրամասները` տեսանյութում
Նելլի ԳՐԻԳՈՐՅԱՆ
