«Կարծում եմ՝ նա ուղղակի ակնարկում էր այն, ինչ ԵԱՀԿ Մինսկի խմբի համանախագահողները հայտարարել են մինչեւ օրս, այն է՝ հակամարտության լուծման փոխզիջումային տարբերակ,-«Փաստարկ» մամուլի ակումբում այսօր անդրադառնալով ԱՄՆ նախագահի ազգային անվտանգության հարցերով խորհրդական Ջոն Բոլթոնի՝ վերջերս հնչեցրած հայտարարությանը, թե արտահերթ ԱԺ ընտրություններից հետո վճռորոշ մանդատ ստանալու պարագայում Նիկոլ Փաշինյանը կարող է նույնքան վճռորոշ քայլեր ձեռնարկել՝ Արցախի հակամարտության լուծման ուղղությամբ, ասաց ՀՅԴ Հայ դատի եւ քաղաքական հարցերի գրասենյակի ղեկավար, քաղաքագետ Կիրո Մանոյանը:
Նա ամերիկացի բարձրաստիճան պաշտոնյանի ակնարկն այս կերպ է մեկնաբանում. «Երկու երկրների ղեկավարները պետք է իրենց հասարակության հետ աշխատանք տանեն եւ պատրաստեն խաղաղության, որը նշանակում է փոխզիջում: Նա ակնարկում էր փոխզիջումային փաթեթի ուղղությամբ քայլեր ձեռնարկել, բայց անհասկանալի է՝ ընտրություններից անմիջապես հետո ինչպե՞ս կարելի է քայլեր ձեռնարկել: Բոլթոնն ինքն ասաց, որ Արցախի հարցը բարդ խնդիր է: Ամեն դեպքում, կարծում եմ, ընտրություններից հետո ԱՄՆ-ն ճնշումներ կգործադրի ՀՀ-ի վրա՝ Արցախի հարցի շուրջ»:
Aravot.am-ի նկատառմանն ի պատասխան, որ ըստ ԱՄՆ-ն ներկայացնող նախկին համանախագահ Ռիչարդ Հոգլանդի՝ բանակցային սեղանին ոչ թե փոխզիջումային փաստաթուղթն է, այլ կերպ հայտնի «Մադրիդյան սկզբունքներ» անունով, այլ բոլորովին նոր՝ այլ փաստաթուղթ, Կիրո Մանոյանն արձագանքեց. «Կարծում եմ՝ հայտնի առաջարկները նույնն են, գուցե շեշտադրումներն են փոխվել՝ որպես նորություն ներկայացնելու նպատակով»:
https://www.youtube.com/watch?v=mj6vEUdmD4k
Լուիզա ՍՈՒՔԻԱՍՅԱՆ
