Նոյեմբերի 6-ին ԱՄՆ-ում տեղի ունեցած Կոնգրեսի միջանկյալ ընտրությունների նախնական արդյունքների համաձայն՝ Կոնգրես են անցնել մի շարք հայազգի և հայամետ գործիչներ: Այս մասին հայտնում է Հայ դատի գրասենյակը իր ֆեյսբուքյան էջում:
Մասնավորապես, նրանցից մեկը Աննա Աստվածատուրյան Թյուրքոթն է, որը Բաքվի ջարդերի ժամանակ փախել է ԱՄՆ և Արցախի անկախության հարգված ջատագով է:
Մյուս օրենսդիրը Էնթոնի Բրինդիսին է, որի նախապապերը Մարդինից են, որտեղից Ցեղասպանության ժամանակ փախել են Հալեպ: Իր հարցազրույցներից մեկում Բրինդիսին հայտարարել էր, թե անհամբեր սպասում է ԱՄՆ-ում հայ համայնքի և Կոնգրեսի մյուս ամերիկահայ անդամների հետ աշխատանքին՝ հանուն ամերիկահայերի առաջնահերթ խնդիրների լուծման, այդ թվում Հայոց ցեղասպանության ճանաչման:
Ընտրություններում հաղթած հայազգի մյուս թեկնածուներն են Աննա Էշուն և Ջեքի Սփիըրը:
Հայ դատի ֆեյսբուքյան էջում նշվում է, որ ընտրություններում հաղթել են նաև մի շարք հայամետ դիրքորոշում ունեցող և իրենց աջակցությունը վայելող թեկնածուներ, այդ թվում վերընտրվել է Բոբ Մենենդեսը, որը Հայոց ցեղասպանության մասին բանաձևի համահեղինակ է, Արցախի անվտանգության ու զարգացման ջատագով, Անկարայի ու Բաքվի խիստ քննադատ:
Պատրաստեց Վիկտորյա ԱՆԴՐԵԱՍՅԱՆԸ
